|
She scoill raad ta ny paitchyn gynsaghey gagh cooish trooid chengey ny mayrey Ellan Vannin y Vunscoill Gaelgagh.
| SHENNAGHYS Y VUNSCOILL GHAELGAGH |
Syn 'ouyr jeh 1999, va Sheshaght Ny Paarantyn currit er bun as ren ad loayrt rish yn Rheynn Ynsee mychione cur er bun unnid ny scoill lane-Ghaelgagh. Liorish yn arragh 2001 ren yn Rheynn Ynsee feeraghey dy jinnagh yn chied Vrastyl Gaelgagh fosley ayns Mean Fouyir 2001 ec Scoill Vallacottier ayns Doolish.
Va'n conaant currit da Mooinjer Veggey (Colught ta stiurey possanyn-cloie Gaelgagh er yn Ellan) yn Brastyl Gaelgagh y stiurey as y reirey. Va Julie Matthews pointit myr ben-ynsee as Cathy Clucas myr Cooneyder-ynsee. Ghow y vlein toshiaght lesh brastyl Blein Toshee jeh queig paitchyn as brastyl Blein 1 jeh kiare. Ayns Mean Fouyir 2002 dirree yn earroo gys queig paitchyn jeig. Ayns Jerrey Geuree 2003 ren y Brastyl Gaelgagh garraghey veih Ballacottier gys e hroggal hene ayns shenn scoill Valley Keeill Eoin.
Ayns Mean Fouyir 2003 haink jeih paitchyn elley as fer-ynsee noa - Paul Rogers son bleeantyn jees as tree, ta nish gynsaghey ny paitchyn shinney ayns Brastyl Tree.
Ayns Mean Fouyir 2006 haink ram paitchyn noa as ben-ynsee noa - Kate Pitts, ta gynsaghey Brastyl Nane.
Ayns 2007 hooar y Vunscoill Ghaelgagh screeudeyr - Sue Moore as haink Julie dy vey yn ard-ynseyder.
Ayns 2009 haink Annie Kissack dy ve ben-ynsee Vrastyl Tree as haink ben-ynsee noa son Brastyl Jees - Aalin Clague.
Nish ta kiare brastyllyn sy Vunscoill Ghaelgagh as cloan veih Blein Toshee gys Blein Shey ayndoo.
Ta ram obbyr ayn cooid-ynsee y chroo as y lheid agh ta'n scoill feer voyrnagh ass yn stundayrt dy ynsagh ta ny paitchyn geddyn as yn aeraght maynrey mygeayrt y scoill ta lowal ny paitchyn dy vishaghey as ve speeideilagh.
|
